صلاح يقود ليفربول للقب الدوري بعد غياب طويل بأداء خرافي
في إنجاز كبير ورجوع قوي، قدر ليفربول يحقق لقب الدوري الإنجليزي للمره الـ20 في تاريخه، وده بفضل تألق نجمه المصري محمد صلاح، اللي كان بيلعب كأنه شايل الفريق كله على كتافه.
صلاح كان حاسم في كل المباريات تقريبا، أهدافه وصناعته للفرص كانت سبب مباشر في حصد الفريق لـ33 نقطه، يعني حرفياً من غيره كان ممكن ليفربول يخلص الموسم في نص الجدول.
بدأ الموسم بصناعه هدف وتسجيل هدف قدام إيبسويتش، وبعدها قدام مانشستر يونايتد ساهم في ثلاث أهداف مره وحده.
قدام ولفرهامبتون سجل هدف الفوز، وكرّر نفس السيناريو قدام تشيلسي أما قدام أرسنال فجاب هدف التعادل، وبعدها قدام برايتون سجل هدف الفوز.
قدام أستون فيلا، سجل وصنع في فوز مريح، وبعدها قدام ساوثهامبتون جاب هدفين رجعوا الفريق للمباراة.
قدام السيتي وبورنموث كان برضو ليه الكلمه العليا بتسجيل وصناعه أهداف مهمه.
الرقم اللي وصله صلاح، 28 هدف و18 صناعه، مش بس بيأهله يكون نجم الموسم، ده بيأكد إنه واحد من أساطير ليفربول الحقيقين.
