فيفي عبده تحتفل بعيد ميلادها وسط النجوم وفرحه وضحك ورقص
احتفلت الفنانه فيفي عبده بعيد ميلادها وسط أجواء مليانه فرحه وبهجه في بيتها بالقاهره، وحضر عدد كبير من نجوم الفن والإعلام اللى حرصو يشاركوها يومها المميز.
من أبرز الحاضرين كانت النجمه يسرا، اللى دايمًا بتظهر علاقتها القويه بفيفي، وكمان حضر لبلبه وصفية العمري ومنال سلامه ودنيا عبد العزيز، ومعاهم الإعلاميه بوسي شلبي اللى نشرت ڤيديوهات وصور من الحفل على السوشيال ميديا.
قالب التورته كان مميز جدًا، مكتوب عليه جملتها الشهيره خمسه مواه وده خلّى الناس كلها تصقف وتضحك مع فيفي وهي بتقطعه.
فيفي كمان رجعت لأيام زمان وقدمت وصلة رقص على أغنية انزل يا جميل في الساحة لوليد توفيق، وده خلا الجمهور يتفاعل جدًا مع خفة دمها.
ورغم كل الضحك، عبرت فيفي عن حزنها بتقدم العمر وقالت كنت مستخبيه تحت اللحاف وبقول للسنين كفايه جري بقى
جدير بالذكر إن فيفي كانت شاركت رمضان اللي فات في مسلسل العتاولة مع كوكبه من النجوم، وحقق العمل نسب مشاهده عاليه جدًا
