خاتم في إيد ياسمين عبد العزيز يعمل ضجه على السوشيال
ظهور ياسمين عبد العزيز في ستوري بسيطه على انستجرام عمل حاله جدل كبيره بين جمهورها، بعد ما بين في إيدها الشمال خاتم شبه دبل الخطوبه او الجواز، وده خلّى الكل يتكلم ويخمّن إذا كانت ارتبطت من جديد ولا لأ.
ياسمين مقلتش حاجه عن الخاتم ولا وضحت أي حاجه تخص حياتها الشخصيه، بس الفيديو كان فيه احتفال بنجاح مسلسلها وتقابل حبيب اللى اتعرض رمضان اللي فات وحقق نسب مشاهده عاليه وتفاعل كبير من الجمهور.
في الفيديو، ياسمين كانت بتقول النجاح حلو وهي مبتسمه ومبسوطة مع فريق العمل.
من ناحيه تانيه، ياسمين بتحضّر تكمل تصوير فيلمها الجديد زوجه راجل مش مهم مع أكرم حسني، اللي بيشاركها البطوله، وهو من تأليف شريف الليثي، وإخراج معتز التوني ومن إنتاج تامر مرسي.
الفيلم اتأجل تصويره شويه بسبب موسم رمضان، بس هيرجعوا يشتغلوا عليه قريب.
ياسمين رجعت بقوه للدراما بعد فتره غياب، ومسلسلها الأخير كان ناجح جدًا وشارك فيه نجوم كبار زي كريم فهمي، خالد سليم، نيكول سابا وغيرهم.
