ريهام عبد الغفور تكشف أسرارها مع لميس الحديدي في كلمة أخيره
ريهام عبد الغفور خطفت الأنظار وتصدرت التريند بعد ظهورها مع لميس الحديدي في برنامج كلمة أخيره على قناة ON، واتكلمت بصراحه عن حياتها الشخصيه والفنيه، وقد إيه والدها الفنان الكبير أشرف عبد الغفور كان ليه تأثير كبير في حياتها.
ريهام بكت وهي بتحكي عن والدها، وقالت إنها كانت دايمًا بتحاول تكون البنت اللي يفتخر بيها، وكان من أهم نصايحه ليها اعملي اللي عليكي وسيبي الباقي على ربنا
كمان اتكلمت عن تجربتها الوحيده مع الفيلر والبوتوكس، وقالت إنها مرتين بس، وإنها مارتاحتش لتغيير ملامحها وخدت وقت طويل ترجع تتقبل شكلها، وده خلاها ترفض أي عمليات تجميل تاني.
ردت كمان على التنمر اللي بتتعرض له بسبب ملامحها وتقدّمها في العمر، وقالت إنها بقت بتقيم نفسها من جوه مش من بره، وإن محدش هيتحب بالإجماع.
أما عن مسلسل ظلم المصطبه قالت إنه كان فرصه قويه وجت في وقت كانت محتاجه تدفعه نفسيه بعد وفاة والدها، والدور فيه كان تحدي حقيقي خلاها تسترجع شغفها بالفن.
