أمطار غزيره وإنذارات حمراء وبرتقاليه تغطي مناطق واسعه بالمملكه
خلال الساعه اللي فاتت، طلع المركز الوطني للأرصاد بعدة تنبيهات مهمه، فيها إنذارات حمراء وبرتقاليه بسبب حالة مطر قويه ومختلفه شدت على كذا منطقه في المملكه والوضع مو بسيط، والمركز حذر الناس إن الحاله ممكن تستمر لين آخر الليل، يعني لازم الواحد ياخذ حذره.
أقوى الإنذارات كانت على منطقة القصيم، اللي أخذت إنذار أحمر بسبب أمطار غزيره مره، مستمره لين الساعه ١١ بالليل، وتشمل تقريبًا أغلب المحافظات هناك والحاله الجويه فيها رياح سريعه مره، والرؤيه تقريبا معدومه، ومعاها برد وصواعق، واحتمال سيول كمان يعني اللي طالع ضروري ينتبه.
أما عسير، فكان نصيبها إنذار برتقالي، الحاله هناك أمطار متوسطه على محافظات مثل الحرجه، الربوعه، سراة عبيده، وظهران الجنوب، والحاله بتمتد لين الساعه ٨ بالليل وبس بعدين رجعت تشمل مناطق زي الأمواه، العرين، طريب، بيشه، وتثليث، واستمر الإنذار معاهم لين ١١ بالليل الجو هناك فيه رياح قويه وبرق ورعد، وناس كثير لاحظت تجمع مياه بشكل ملحوظ.
الشرقيه بعد ما سلمت، جالها تنبيه برتقالي خصوصًا على الخفجي وقرية العليا، والحاله الجويه مستمره فيها لنفس الوقت، مع نفس التأثيرات تقريبًا: رياح وبرد وصواعق.
حتى جازان ما كانت بعيده عن الوضع، فيها إنذار برتقالي لأمطار متوسطه تغطي محافظات عديده، وممكن تستمر برضو لين الساعه ١١ بالليل، مع احتمال تجمعات مياه وسيول خفيفه.
الوضع بشكل عام يتطلب الحذر، خصوصًا من اللي يسوقون في هالأجواء والأفضل للكل يتابعون تنبيهات الأرصاد أول بأول، ويتجنبون الخروج وقت الأمطار القويه، خصوصًا في المناطق المعروفه بتجمع المياه.
