هجوم وتنمر على جان رامز بسبب بوست عن الأجازه المدرسيه
الطفل الفنان جان رامز اتعرض لحمله تنمر وضغط نفسي كبير على فيس بوك، بعد ما كتب بوست بسيط بيعبر فيه عن فرحته بإجازة المدرسه عشان الجو السيء، لكن في عز قضية الطفل ياسين اللي شغلت السوشيال ميديا، قام ناس تهاجمه وتكتبله تعليقات قاسية جدًا.
الكلام ده أثار غضب كتير من الفنانين، وكتب المؤلف عمرو محمود ياسين على صفحته احنا في كارثه حقيقيه، الناس اللي حوالينا غير أسوياء كمان الفنان محمد علي رزق قال أنا لو مكان أبوه هسجنهم، السوشيال ميديا بقت غطا بلاعه مفتوح
رغم ده، جان لقى دعم كبير من ناس كتير على السوشيال ميديا، اللي وقفوا في صفه ودافعوا عنه ضد الهجوم غير المبرر.
يُذكر إن جان رامز شارك في أعمال فنيه مهمه، وآخرهم مسلسل المعلم اللي اتعرض في رمضان 2024، وكان فيه نجوم كبار زي مصطفى شعبان وسهر الصايغ وسلوى خطاب، والمسلسل من إخراج مرقس عادل وتأليف محمد الشواف، ومن إنتاج سينرجي.
اللي حصل بيوضح خطورة التنمر على الأطفال خصوصًا لما يبقى طفل معروف، والمفروض يكون فيه قوانين تحميهم.
