فيلم الصفا ثانويه بنات يحقق 72 ألف جنيه في يوم واحد
حقق فيلم الصفا ثانوية بنات بطوله الفنان علي ربيع، يوم الثلاثاء اللي فات، إيرادات وصلت لـ 72 ألف جنيه، وبكده يكون المجموع الكلي اللى حققه الفيلم من يوم ما اتعرض في السينمات لحد دلوقتي هو 19 مليون و716 ألف جنيه.
الفيلم بيشارك في بطولته كمان الفنان أوس أوس، بيومي فؤاد، محمد ثروت، هاله فاخر، سارة الشامي، وئام مجدي، إسماعيل فرغلي، جيسكا حسام، لينا صفويا، ومعاهم مجموعه من الممثلات الشابات الفيلم من تأليف أمين جمال ووليد أبو المجد، وإخراج عمرو صلاح.
قصة الفيلم بتدور في إطار كوميدي، وبيجسد علي ربيع شخصية شاب صعيدي جاي القاهره وبيواجه مواقف كتير مضحكه.
آخر عمل سينمائي لعلي ربيع كان فيلم عالماشي اللى اتعرض في موسم عيد الفطر اللي فات، وشاركه البطوله كريم عفيفي، آية سماحة، صلاح عبدالله، وانتظار، وعبدالله مشرف.
وكان الفيلم بيحكي عن شاب كسول اسمه هادي، حياته بتتغير بعد ما يكتشف انه عنده حاله نادره لازم يفضل يتحرك فيها طول الوقت عشان ميجيلوش جلطات.
