رسوم سنويه ع العقارات الفاضيه.. قرار يحرك سوق العقار السعودي
في خطوة جديده من وزارة الشؤون البلدية والإسكان، أعلن المتحدث الرسمي سيف السويلم إن الوزاره ناويه تبدأ بتطبيق رسوم سنويه ع العقارات الشاغره اللي داخل النطاق العمراني والرسوم دي مش هتزيد عن 5٪ من قيمة الأجره التقديريه للعقارات دي.
الهدف من القرار ده هو تحفيز الناس إنها تستغل البيوت والمباني اللي مش مستخدمه، بدل ما تفضل واقفه كده من غير أي فايده وكمان ده ممكن يساعد في تحريك السوق العقاري ويخلي العرض والطلب يكونوا متوازنين أكتر.
السويلم قال كمان إن “برنامج الإسكان” عمل شغل جامد الفتره اللي فاتت، وقدر فعلاً يسد فجوه كبيره كانت موجوده بين العرض والطلب، وكمان لبّى حاجه ناس كتير كانت بتدور على سكن كويس وبأسعار مناسبه.
ومن الحاجات الكويسه اللي اتعملت، إن الوزاره طلعت أكتر من 20 تشريع وتنظيم جديد، كلهم هدفهم إنهم يطوروا القطاع العقاري ويخلّوه أكتر جذب للإستثمار والاستخدام وده غير كمان إنهم ساعدوا أكتر من 850 ألف أسره سعوديه بقروض سكنيه علشان يقدروا يشترو بيوت ويحققوا حلم التملك.
في النهايه، السويلم ختم كلامه وقال إن الوزاره مكمله في شغلها وبتشتغل بسرعه كبيره علشان تحقق طفرات تانيه في البلديات والإسكان، وكل ده علشان يحسّنوا جودة حياة الناس ويحققوا أهداف رؤية السعودية 2030.
