خيسوس على وش الرحيل والهلال بيدوّر على بديل كبير بسرعه
الوضع داخل نادي الهلال مولع بعد الهزيمه الكبيره قدّام الأهلي 3-1 في نص نهائي دوري أبطال آسيا للنخبه، والكل دلوقتي بيكلم عن مصير المدرب البرتغالي خورخي خيسوس.
صحيفة “اليوم” الرياضيه كشفت إن في اجتماع دلوقتي شغال بين إداريين الهلال، وبيتم فيه مناقشه مصير خيسوس، وفي احتماليه كبيره يتم إقالته النهارده الأربعاء، بس بيستنوا تصويت باقي الأعضاء علشان ياخدوا القرار النهائي.
الإدارة حاسه بضغط كبير من الجماهير والإعلام بعد الخروج من البطولة، خصوصًا وإن عقد خيسوس بينتهي مع نهاية كأس العالم للأندية، فالموضوع دخل في منطقه حساسه جدًا.
ومن ناحيه تانيه، في كلام عن أسماء مدربين كبار ممكن يقودوا الهلال، أبرزهم الإيطالي كارلو أنشيلوتي مدرب ريال مدريد الحالي، وزلاتكو داليتش مدرب منتخب كرواتيا.
خيسوس طلع امبارح بعد الماتش وقال: “قبل المباراة وبعدها، إحنا لسه شغالين بعقودنا”، بس الواضح إن مصيره مش مضمون، والإدارة بتفكر بجد في التغيير قبل المونديال.
