فيلم سيكو سيكو يحقق مليون و70 ألف ويدخل المركز التاني
فيلم سيكو سيكو مكمل في شباك التذاكر بقوه، وحقق امبارح التلات مليون و70 ألف جنيه، وده خلى إجمالي الإيرادات من وقت ما اتعرض من 28 يوم بس يوصل لـ 149 مليون و261 ألف جنيه، وده دخله في المركز التاني ضمن أعلى الأفلام إيرادًا في السينما المصريه.
الفيلم من بطوله عصام عمر، طه دسوقي، باسم سمرة، ومعاهم تارا عماد، ديانا هشام، علي صبحي، وخالد الصاوي بيظهر كضيف شرف تأليف محمد الدباح، إخراج عمر المهندس، إنتاج أحمد بدوي وشركة المتحدة وفيلم سكوير.
القصه بتحكي عن شابين من عيله بسيطه بيستنوا ميراثهم من زمان، ولما بياخدوه يكتشفوا إنه بضاعه مش قانونيه، فبيفكروا يبيعوها بطريقه ذكيه عن طريق لعبه على التليفون بيصمموها بنفسهم وبيسموها سيكو سيكو وبتنجح اللعبه نجاح كبير، بس المفاجأه إن رئيس عصابه بيظهر وبيقول إن البضاعه دي بتاعته!
وبيتعرض كمان في السينما أفلام تانيه زي الصفا الثانوية بنات نجوم الساحل، استنساخ و فار بـ7 أرواح
