الهلال بعد الخروج الآسيوي مصير الإدارة والبطوله العالميه على المحك
الأوضاع لسه مولعه جوا نادي الهلال بعد الخساره القاسيه قدام الأهلي بنتيجة 3-1 فـ نصف نهائي دوري أبطال آسيا للنخبه، واللي خلت الفريق يودع البطوله من الباب الضيق.
صحيفة “الشرق الأوسط” قالت إن إدارة الهلال الحاليه برئاسة فهد بن نافل هتنتهي ولايتها في شهر يونيو الجاي، ولسه ما تحدد إذا كانت هتترشح لولايه جديده ولا لأ. الموضوع كله متوقف على رغبة الجمعيه العموميه والوضع اللي بيمر بيه الفريق حالياً.
وفي تقارير بتقول إن الإدارة هتفضل مكمله لحد نهاية بطولة كأس العالم للأندية اللي هتتلعب في أمريكا سنة 2025، واللي الهلال هيشارك فيها وسط مجموعة ناريه مع ريال مدريد وباتشوكا وريد بول سالزبورغ.
الهلال فقد فرصة التتويج بالآسيوي، وكمان المنافسه على دوري روشن بقت صعبه بعد ما الاتحاد وسع الفارق وتصدر الجدول، وده بيزود الضغوط على الإدارة والمدرب واللاعبين.
الفتره الجايه حاسمه جداً، سواء في تحديد مستقبل الإداره أو شكل الفريق في المشاركات العالميه، والجمهور منتظر يشوف قرارات مصيريه تطمنه.
