نيكو ويليامز حنحارب مانشستر يونايتد عشان نوصل نهائي سان ماميس
اكد نيكو ويليامز نجم أتلتيك بلباو إن فريقه مش ناوي يفرط في فرصته الكبيره قدام مانشستر يونايتد في نص نهائي الدوري الأوروبي، والكل بيحلم يلعب النهائي على أرضهم في ملعب سان ماميس يوم 21 مايو الجاي.
وخلال المؤتمر الصحفي اللي قبل مباراة الذهاب، نيكو قال إنهم ماشين على نصيحة أخوه إينياكي ويليامز، اللي دايمًا بيأكد على التواضع والروح الجماعيه، وقال من أول البطوله بنلعب بتواضع، زي ما أخويا قال من السنه اللي فاتت
وأضاف عارف إن الجماهير متحمسه، بس إحنا لازم نكون مركزين مية في المية، وحنبذل كل اللي نقدر عليه عشان نوصل للنهائي الكبير قدام جمهورنا
نيكو ما نسيش يشيد بمانشستر يونايتد وقال يونايتد فريق كبير وفيه لاعيبه مميزين زي برونو فيرنانديز، ووجودهم في نص النهائي دليل على قوتهم، حتى لو الدوري عندهم مش ماشي تمام
وختم كلامه بقوله الجو في غرفة الملابس نار، والمدينة كلها بتعيش الحلم، وحنقاتل في الملعب عشان نفرح أتلتيك وجماهيره
