الهلال يتحرك رسميًا لضم الغنام نهائيًا بعد الخروج الآسيوي المؤلم
بدأت إدارة نادي الهلال خطواتها الفعليه عشان تدعم الفريق بعد الإقصاء من نصف نهائي دوري أبطال آسيا قدام الأهلي، وبدأت التفاوض بشكل رسمي مع نادي الاتفاق عشان تشتري عقد اللاعب خالد الغنام بشكل نهائي.
الغنام اللي عنده 24 سنه كان انضم للهلال على سبيل الإعاره من الاتفاق في صيف 2023، ولعب مع الزعيم 12 مباراه وسجل هدف واحد، لكن مستواه شجع الإدارة إنها تحتفظ بيه.
صحيفة الرياضيه السعوديه قالت إن الهلال ناوي يشتري عقد اللاعب لكن بمبلغ أقل من قيمة الشرط الجزائي اللي يوصل لـ46 مليون ريال، بينما الاتفاق متمسك إنه ياخد المبلغ كامل، خصوصًا إن اللاعب عقده ممتد لحد صيف 2027.
التحرك دا بيجي ضمن خطة الهلال لإعادة ترتيب الأوراق بعد الهزيمه من الأهلي 3-1 في جدة، واللي سببت صدمه كبيرة لجماهير الفريق.
وفي نفس السياق، تقارير بتقول إن إدارة الهلال برئاسة فهد بن نافل حتعمل إجتماع مهم النهارده بالليل عشان تحسم مصير المدرب البرتغالي جيسوس، واللي بيتعرض لانتقادات كبيره من الجماهير بعد التراجع الفني الأخير.
