مانشستر يونايتد ناوي يخطف إيدرسون من أتالانتا الصيف الجاي
دخل نادي مانشستر يونايتد بقوه في سباق التعاقد مع لاعب الوسط البرازيلي إيدرسون، نجم فريق أتالانتا الإيطالي، وده ضمن تحركات النادي لتدعيم خط النص قبل بداية الموسم الجديد.
صحيفة آس الإسبانية قالت إن إيدرسون اللي عمره 25 سنه بقى مطلوب عند كذا نادي كبير، زي مانشستر سيتي، وأتلتيكو مدريد، وكمان الهلال السعودي، بس يونايتد حاطه على راس أولوياته.
اللاعب شارك في 45 ماتش الموسم ده، وسجل 5 أهداف وصنع هدفين، وده خلاه من أبرز اللعيبة في مركزه بالدوري الإيطالي، والكل بيتابع مستواه المميز مع أتالانتا.
يونايتد ناوي يعرض مبلغ كبير ممكن يوصل لـ63 مليون جنيه إسترليني، عشان يضمن التوقيع معاه، رغم إن عقده مع فريقه الحالي لسه ممتد لحد صيف 2027.
الخطوه دي من يونايتد جايه بعد الإشاعات اللي بتقول إن كاسيميرو ممكن يسيب الفريق في الصيف، وبالتالي بيحاولوا يلاقوا بديل بنفس الجودة، ويبدو إن إيدرسون هو الشخص المناسب بالنسبه ليهم.
الإدارة شغاله بسرعه عشان تحسم الصفقه قبل ما الأنديه التانيه تدخل بقوه وتاخده.
