مافيش نقص في التموين.. وزارة التموين تبدأ صرف تموين مايو 2025 مع استمرار الدعم الإضافي للأسر
في ظل سعي الدوله لتخفيف الضغط الاقتصادي عن المواطنين، أعلنت وزارة التموين والتجارة الداخلية عن بدء صرف السلع التموينيه لشهر مايو 2025، بداية من يوم الخميس، ضمن منظومة الدعم المعتاده، مع استمرار صرف المنحه الإضافية المقرره للفئات الأكتر إحتياجًا وأكدت الوزارة في بيان رسمي، إن السلع متوفره بكميات ضخمه في كافة المجمعات الاستهلاكيه، وإنه مفيش أي أزمه في المعروض، بفضل المخزون الإستراتيجي اللي تم تجهيزه مسبقًا.
السلع المتاحه على بطاقة التموين في مايو
وزارة التموين بتوفر أكتر من 30 صنف أساسي من خلال المجمعات التابعه ليها، وده عن طريق الشركة القابضه للصناعات الغذائيه. السلع دي بتشمل:
- زيت طعام
- سكر تمويني وسكر حر
- مكرونة
- سمن نباتي
- شاي
- دقيق
- وعدد من المنتجات التانية اللي يقدر المواطن يختار منها حسب قيمة الدعم
قيمة الدعم للفرد الواحد بتبدأ من 50 جنيه، وبيزيد حسب عدد الأفراد على البطاقة.
تنفيذًا لتوجيهات الرئاسه، مستمره منحة الدعم الإضافي اللي بدأت من شهور، والهدف منها دعم الفئات اللي ظروفها صعبه. والمواطنين اللي ماخدوش الدعم الإضافي في مارس أو إبريل، يقدرو يصرفوه مع تموين مايو.
تفاصيل المنحة حسب عدد الأفراد:
| نوع البطاقة | قيمة الدعم | محتوى السلع |
|---|---|---|
| بطاقة فرد واحد | 125 جنيه | 2 كجم سكر + زجاجة زيت حر |
| بطاقة أكثر من فرد | 250 جنيه | 4 كجم سكر + 2 زيت حر |
بوابة سعودي اون بتأكد إن المنحه دي بيستفيد منها أكتر من 10 مليون أسره في مصر، بتكلفه إجماليه 4 مليار جنيه، ضمن خطه الحمايه الإجتماعيه اللي الحكومه ماشيه بيها لتقليل معاناه الأسر محدودة الدخل.
مع ارتفاع الأسعار في السوق الحره، بقى تموين كل شهر مش بس دعم، ده بقى أساسي في ميزانية البيوت والسلع اللي بتتوفر في المجمعات بفرق سعر واضح، وده بيخلي المواطن يقدر يوفّر جزء من دخله وكمان النظام بقى أذكى، والمواطن عنده حريه يختار السلع اللي محتاجها فعليًا، بدل ما يتفرض عليه حاجه مش بيستخدمها.
ناس كتير بتكتفي بصرف السكر والزيت، لكن اللي فاهمين النظام كويس بيبدلوا بين الأصناف وياخدوا حاجات تانيه مفيده زي المكرونه، الشاي، الدقيق، وده بيخلي قيمة الدعم تروح في الحاجات اللي فعلاً محتاجينها، بدل ما ياخدوا حاجه تبوظ قبل استخدامها أو تتخزن وخلاص.
