حريق ضخم بطريق الواحات بـ6 أكتوبر بسبب تسرب غاز مفاجئ
شهد طريق الواحات بمدينة 6 أكتوبر، صباح اليوم، حريق كبير جدا، بعد تسرب غاز من ماسوره تحت الأرض، وده أدى لاشتعال النيران بشكل مفاجئ، واللي اتسببت في تضرر عدد من عربيات الناس اللي كانت معديه وقت الحادث.
وكانت غرفة النجدة في مديرية أمن الجيزة استقبلت بلاغ بوجود حريق ضخم بطريق الواحات، وفورا اتحركت قوات الحماية المدنية لمكان الحادث، وتم فرض كردون أمني حوالين المكان عشان يقدروا يسيطروا على الموقف.
الفيديوهات المنتشره على السوشيال ميديا بينت لحظة تصاعد اللهب واشتعال النيران، وسط محاولات الناس للهرب من المكان، واللي زاد من صعوبة الموقف هو وجود عربيات كتير وقت الحريق.
وبحسب المعاينة الأولية، اتضح إن السبب في الحريق تسرب غاز من ماسوره، واللي اشتعلت فجأه، وفرق الإطفاء شغاله لحد دلوقتي على محاصرة النيران وإخمادها.
الحمد لله لحد دلوقتي مفيش أنباء عن وجود ضحايا، لكن في خسائر مادية كبيرة، خاصة للعربيات اللي كانت قريبه من مكان التسرب.
والجهات المعنيه شغاله على التحقيق لمعرفة تفاصيل أكتر عن السبب الحقيقي وتسريب الغاز.
