إقالة مديرة مدرسه بالبحيره بعد الحكم بالمؤبد على المتهم بإعتداء طفل
في بيان طلع من وزارة التربيه والتعليم والتعليم الفني، اعلنت إنهم شكّلو لجنه مخصوص علشان تراجع كل حاجه حصلت في مدرسه الكرمه اللي في دمنهور، بعد القصه المؤسفه اللي حصلت للطفل ياسين، واللي هزّت قلوب الناس.
الوزاره كمان قالت إنهم نسقو مع محافظة البحيره وتم فعلاً إقالة مديرة المدرسه من منصبها بعد ما اتأكدت المسؤوليه والتقصير.
ومن ساعات، محكمة جنايات دمنهور حكمت بالمؤبد على المتهم صبري ك ج ا، واللي عنده ٧٩ سنه، وبيشتغل مراقب مالي في نفس المدرسه، بعد اتهامه بـهتك عرض الطفل ياسين اللي عنده ٥ سنين، جوا المدرسه
الجلسه كانت أولى جلساتها النهارده في محكمة إيتاي البارود، واللي شهدت تواجد أسرة الطفل، والمتهم، وسط إجراءات أمنيّه مشدده.
الدفاع طلب تعديل القيد والوصف، والمحكمه وافقت، وغيّرت قرار الإحاله من الإعتداء بدون قوه لـ الإعتداء بالقوه تحت التهديد، وده فرق كبير في الحكم.
المتهم أنكر التهم، لكن أقوال والد الطفل كانت واضحه، وكل الأدله كانت ضد المتهم.
القضيه أثارت غضب كبير في الشارع، والناس مستنين قرارات حاسمه تحمي أولادهم.
العداله أخدت أول خطوه، ولسه التحقيقات جوه المدرسه مكمله.
