رونالدو يخطف قلوب اليابانيين مشجعة تتمنى فوز النصر بكاواساكي
قبل ماتش النصر وكاواساكي الياباني في نصف نهائي دوري أبطال آسيا للنخبه، اللي هيتلعب بعد شويه على ملعب الإنماء بجدة، ظهرت أجواء حماس كبيره حوالين الاستاد، وخصوصًا من الجماهير اليابانيه.
الجماهير اليابانيه اتجمعت حوالين الاستاد، وكان في منهم لابسين تيشيرتات كريستيانو رونالدو سواء مع النصر أو منتخب البرتغال، وده دليل قد ايه سحر الدون لسه بيأثر على محبينه في كل حته في العالم.
الصحيفة الرياضيه نشرت تصريح لمشجعة يابانية اسمها “ليسا هوستنج”، قالت فيه إنها بتشجع فريق النصر النهارده بسبب حبها الكبير لرونالدو، وبتتمنى إن العالمي يكسب حتى لو ضد فريق من بلدها.
ليسا عندها 26 سنه، وبتشجع فريق ناجويا في اليابان، لكن أكدت إنها بتحترم كاواساكي كممثل لليابان، ومع كده حبها لرونالدو خلاها تتحول لمشجعة نصراويه لأول مره، وبتعتبر زيارتها دي للسعوديه تجربه مش هتنساها.
الجماهير مستنية تشوف لمسات الدون في ماتش الليله، ويمكن سحره يعمل الفارق من جديد في البطولة.
