الهلال يفكر يبدّل بونو بـ مارتينيز بعد تراجع مستواه
بدأت أخبار كتير تنتشر في الساعات اللي فاتت عن وجود اهتمام سعودي قوي بالحارس الأرجنتيني إيميليانو مارتينيز، حارس أستون فيلا ونجم منتخب الأرجنتين، واللي ظهر بمستويات خرافية في كأس العالم وكوبا أمريكا.
الأنظار دلوقتي متجهة لنادي الهلال، واللي واضح إنه بيدرس فكرة التعاقد مع مارتينيز علشان يعزز مركز حراسة المرمى، خصوصًا بعد تراجع مستوى المغربي ياسين بونو في الفترة الأخيرة، واللي خلى بعض الجماهير تطالب بتغيير الحارس.
مصادر قريبة من النادي بتقول إن الإدارة ممكن تفكر في الاستغناء عن بونو في الصيف، وده لو لقت البديل المناسب، ومين أنسب من مارتينيز اللي يعتبر من أفضل الحراس في العالم حاليًا؟
الحارس الأرجنتيني عنده سجل بطولات تقيل، من كاس العالم 2022 لـ كوبا أمريكا 2021، وكمان مستواه ثابت مع أستون فيلا في البريميرليج، وده بيخليه صفقة سوبر لو تمت.
الكل مستني يشوف إيه اللي هيحصل في الصيف، وهل الهلال فعلاً هيتجه لمارتينيز؟ ولا بونو هيفضل يكمل؟
