تشواميني في ورطه كبيره قبل الكلاسيكو قد يغيب عن الموقعة المنتظره
بيعيش النجم الفرنسي أوريلين تشواميني لاعب وسط ريال مدريد فتره صعبه قبل مباراة الكلاسيكو اللي الكل مستنيها قدام برشلونة يوم 11 مايو الجاي، ضمن جولات الدوري الإسباني.
المشكله إن الاتحاد الإسباني رفض يشيل الكارت الأصفر اللي أخده تشواميني في ماتش خيتافي الأخير، وده معناه إنه بقى على بعد إنذار واحد بس من الإيقاف! ولو خد كارت في ماتش سيلتا فيجو يوم 4 مايو، هيغيب رسمي عن كلاسيكو الحسم.
حسب قوانين الليجا، أي لاعب يوصل لـ 5 إنذارات بيتوقف ماتش، وده اللي بيهدد مشاركة تشواميني في واحده من أهم مباريات الموسم.
اللقاء الجاي ضد سيلتا فيجو هيكون بمثابة تحدي حقيقي لتشواميني، لازم يلعب بحذر من غير ما يأثر على أداءه، لأن الفريق محتاجه جاهز في مواجهة برشلونة.
الجدير بالذكر إن برشلونة حاليًا على قمة الدوري بـ76 نقطه، والريال وراه بـ72، وده بيخلي الكلاسيكو مباراة نهائيه بنكهة الدوري، وكل لاعب مهم فيها، خصوصًا في خط الوسط اللي بيقوده تشواميني.
