سويسرا هتبدأ تنفيذ حظر حركة حماس رسميًا من ١٥ مايو الجاي
اعلنت قناة القاهره الاخباريه في خبر عاجل نقلته عن وكالة فرانس برس، إن قرار حظر حركة حماس فى سويسرا هيدخل حيز التنفيذ إبتداء من يوم 15 مايو اللي جاي، وده ضمن الإجراءات اللي بتتخذها الحكومة السويسرية في الفترة الأخيرة ضد المنظمات اللى بتعتبرها مهدده للأمن.
وكانت السلطات السويسرية أعلنت قبل كده عن نيتها لتصنيف حركة حماس كـ منظمة إرهابية وبدأت فعلاً فى التحركات القانونية علشان تقنين القرار وتنفيذه على أرض الواقع وده معناه إن من اليوم ده، أي دعم مالي أو تواصل أو مشاركة مع الحركة هيبقى مخالف للقانون.
مصادر صحفية قالت إن السلطات هتراقب أى نشاط ممكن يكون له علاقة بالحركة، سواء على مستوى أفراد أو مؤسسات، وهيتم اتخاذ إجراءات فوريه ضد المخالفين.
القرار ده جاي في ظل تزايد الضغوط الدولية على حماس بعد التصعيدات الأخيرة في المنطقة، وكتير من الدول الأوروبية بدأت تاخد مواقف مشابهة، وسويسرا دلوقتي بتمشى على نفس الخط.
وتوقعت تقارير إعلامية إن يكون في رد فعل من بعض الأطراف على القرار، خصوصًا الجاليات اللي ليها توجهات داعمة للحركة.
