سياره بتدهس ناس في كوبنهاجن والدنمارك تعلن حاله الطوارئ
اعلنت وكالة رويترز من شويه، نقلاً عن أجهزة الطوارئ في الدنمارك، إن في سياره دخلت وسط ناس ودهستهم في العاصمة كوبنهاجن، واللي سببت حاله من الذعر والرعب الكبير في المكان، وده زي ما نقلت قناة القاهره الإخباريه في خبر عاجل ليها.
وبحسب التصريحات الأوليه، لسه مفيش معلومات دقيقه عن عدد المصابين أو حاله المصابين، بس في تأكيدات إن في ناس اتصابت فعلاً، وبعضهم حالته صعبه، والسلطات هناك بدأت على طول تنشر قوات الأمن في المنطقه.
وابتدت أجهزة الطوارئ والإسعاف في التوافد بسرعة على مكان الحادث علشان ينقذوا المصابين وينقلوهم للمستشفيات، وفى نفس الوقت اتعمل كردون أمني حوالين المكان وبدأت التحقيقات عشان يعرفوا إذا كان الحادث متعمد ولا مجرد حادث عابر.
الناس هناك في كوبنهاجن عايشين حاله من القلق والخوف بعد اللي حصل، ووسائل الإعلام المحليه شغاله تغطيه مباشره للحادث.
السلطات الدنماركيه لسه ما أعلنتش بشكل رسمي كل التفاصيل، وبتوعد إنها هتعلن بيان رسمي قريب عن اللي حصل وأسبابه.
