حرائق جبال القدس تخرج عن السيطره إخلاء مستوطنات واستغاثه دوليه
شهدت جبال القدس النهارده حرائق ضخمه اندلعت بشكل مفاجئ، خلت الناس تسيب عربياتها وتجرى على الطريق السريع، وده وسط محاولات مكثفه من السلطات الإسرائيليه للسيطره على النيران اللى خرجت عن السيطره.
وقالت هيئة البث هناك إن حوالى ٥٠ فريق إطفاء و١٢ طياره بيحاولوا يسيطروا على الحرائق اللى شبت فى غابات ومستوطنات غرب القدس، والموضوع بيزداد صعوبه بسبب سرعة الرياح العاليه والجو السخن.
السلطات بدأت فعلاً فى عمليات إخلاء للمستوطنين، وكمان صدر تعليمات لخمس مستوطنات تانيه إنهم يستعدوا للإخلاء فى أى لحظه لو النار فضلت تنتشر كده.
وأخلوا كمان المحميات الطبيعيه فى الأماكن اللى فيها خطر، خصوصاً إن فيه ناس كانت خرجت تتفسح رغم تحذيرات الأرصاد.
والحد دلوقتي الطرق لسه مفتوحه، بس الشرطه هناك بتهدي الناس وبتوجه المرور الأمن الطبى كمان موجود فى المكان لتقديم المساعده.
فريق التحقيقات قال إن سبب الحريق بشري ومش طبيعي، وإنهم وصلوا لمصدر الحريق عند مدخل مستوطنة اسمها تاروم.
والسلطات طلبت مساعده دوليه بسرعه قبل ما الأمور تخرج أكتر من كده عن السيطره.
