مدبولي يتابع مع عاشور ملفات التعليم و12 جامعه أهليه جديده السنه الجايه
قعد النهارده الدكتور مصطفى مدبولي، رئيس مجلس الوزرا، مع الدكتور أيمن عاشور، وزير التعليم العالي والبحث العلمي، علشان يتابعو مع بعض أهم ملفات الوزاره، وكان أهمها الجاهزيه للـ12 جامعه أهليه جديده اللى هتشتغل لأول مره السنه الجايه.
الدكتور عاشور قال إن الجامعات دي زي جامعة القاهره الأهلية، كفر الشيخ، عين شمس، طنطا، وغيرها، وكلها خلصت تجهيز المدرجات والمعامل وهيئة التدريس والجامعات دي فيها 101 كلية وبرامج كتير.
الوزير كمان وضح إن مصر دلوقتي فيها 32 جامعه أهليه بعد ضم الـ12 الجداد، وبقى عدد الجامعات فى مصر 128 جامعه.
واتكلم كمان عن مشاركة الجامعات في مبادرات زي حياة كريمه وقال إن فيه 535 قافله طبيه خرجت فـ الشهور اللي فاتت، واستفاد منها حوالي 719 ألف مواطن، ودي حاجه مهمه بتعكس دور الجامعات في خدمه المجتمع.
وشرح كمان مبادرة تحالف وتنميه اللى بتشتغل على ربط الجامعات بالصناعه، وفيه 7 تحالفات اقليميه شغاله دلوقتي.
وختم بكلامه عن مبادرة كن مستعدًا مليون مبتكر وقال إن الوزاره هتساعد الشباب يبقى عندهم مهارات لسوق العمل، من خلال منصه رقميه وفرص تدريب وشغل.
