مدبولي ناقش مع عاشور مستقبل التعليم و12 جامعه جديده جاية قريب
الدكتور مصطفى مدبولي، رئيس الوزرا، قابل النهارده الدكتور محمد أيمن عاشور، وزير التعليم العالي، علشان يتابعو سوا شوية ملفات مهمه في الوزاره أهم حاجه ناقشوها كانت استعدادات 12 جامعه أهليه جديده هتفتح أبوابها لأول مره السنه الدراسيه الجايه 2025/2026.
الوزير عاشور قال إن الجامعات دي جهزت المدرجات والمعامل وكمان أعضاء هيئة التدريس الجامعات زي جامعة القاهره الأهلية، طنطا، الفيوم، كفر الشيخ، وسوهاج، وغيرهم، وكلها فيها برامج كتير وتخصصات مختلفه.
الوزير وضح إن عدد الجامعات الأهلية بقى 32، وإجمالي الجامعات في مصر وصل لـ128 جامعه كمان حكى عن مشاركة الجامعات في مبادرات زي حياة كريمه، وقال إنهم عملو أكتر من 1000 قافله خدميه ومجتمعيه.
كمان اتكلم عن مبادرة تحالف وتنمية اللي بتشتغل على ربط الجامعات بالصناعه والمجتمع، وقال إنها موجوده في 7 أقاليم مختلفه في مصر.
وختم بكلامه عن مبادرة كن مستعدًا مليون مبتكر اللي هدفها تأهيل الشباب لسوق الشغل، وإنهم أطلقو منصه رقميه فيها تدريبات وفرص توظيف حقيقيه بالتعاون مع مؤسسات دوليه وشركات خاصه.
