فيران توريس بيكمل التألق وبيسجل هدف تعادل مهم لبرشلونة
النجم الإسباني فيران توريس لسه مكمل في سكة التألق الموسم ده، وسجل النهارده هدفه رقم 19 في مشواره الرياضي، لما جاب هدف التعادل لبرشلونة قدام إنتر ميلان في ذهاب نص نهائي دوري أبطال أوروبا.
الهدف جه في لحظه مهمه جدًا، وكان الفريق متأخر، وفيران كان في المكان الصح في الوقت الصح وسدد الكوره بطريقه هاديه وذكيه خلت الحارس واقف يتفرج بس.
الهدف ده رجع الأمل لبرشلونة في مباراة كانت من أقوى المواجهات الأوروبيه السنه دي.
توريس من أول الموسم وهو بيقدم مستويات عاليه، سواء في التحركات أو إنهاء الكرات، والمدرب دايمًا بيعتمد عليه لما الفريق يبقى محتاج حل هجومي سريع وفعال.
جماهير برشلونة فرحانه بأداءه، وبتعتبره من أكتر اللاعيبه التزامًا وقت المباريات.
وفي ظل الأداء الغير ثابت من بعض النجوم، توريس بيأكد إنه يستحق مكانه أساسيه في تشكيله الفريق، وبيحلم ياخد مع الفريق لقب دوري الأبطال لأول مره في مشواره.
