أنشيلوتي محيّر ريال مدريد والبدلاء جاهزين قبل مونديال الأنديه
الجدل مكمل ومانتهيش حوالين مصير المدرب الإيطالي كارلو أنشيلوتي مع ريال مدريد، ولسه مافيش حاجه واضحه إذا كان هيكمل مع الفريق، ولا هيطير للبرازيل يمسك تدريب المنتخب هناك.
الصحفي ماريو كورتيغانا طلع وقال بصراحه، إنه رغم كل الكلام والضجه اللي دايره، هو مش متوقع يشوف أنشيلوتي مدرب لريال مدريد في بطولة كاس العالم للأنديه، اللي هتتلعب في أمريكا.
الكلام ده بيقوي الإشاعات إن النادي الملكي بيجهز بدائل، خصوصًا لو تشابي ألونسو ما انضمش للفريق قبل بداية البطوله.
وساعتها، الاتنين الأقرب يمسكوا التدريب مؤقتًا هم: سانتياغو سولاري اللي اشتغل قبل كده مع الفريق، وراؤول غونزاليس نجم الريال السابق ومدرب الكاستيا دلوقتي.
واضح إن ريال مدريد بيمر بمرحله انتقالية حساسه، وكل قرار هيأثر على الموسم الجاي. الجمهور الملكي مستني يعرف مين اللي هيقود الفريق فالفتره الجايه، خصوصًا في بطوله كبيره زي دي.
