روبين أموريم: لاعبي اليونايتد جاهزين للضغط وبيلباو عندهم دفاع نار
روبين أموريم مدرب مانشستر يونايتد، طلع في المؤتمر الصحفي قبل ماتش أتلتيك بيلباو في ذهاب نصف نهائي الدوري الأوروبي، واتكلم عن استعداد فريقه والضغط اللي ممكن يواجهوه.
وقال أموريم بكل ثقه: “اللاعبين جاهزين يتعاملوا مع الضغوط، ومش شايف إن في مشكله في ده”، وأكد إن الفريق مركز على المواجهات الجايه ومش حاطين نفسهم تحت ضغط أكتر من اللازم.
أما عن فريق بيلباو، فمدحهم بشكل واضح، وقال: “فريق قوي جدًا، وبيهجموا بشكل خطير، عندهم لاعيبة ممتازه زي نيكو ويليامز، وكمان دفاعهم يُعتبر الأفضل في الدوري الإسباني حاليًا”.
المدرب البرتغالي بيحاول يجهز فريقه نفسيًا وتكتيكيًا قبل المواجهه اللي ممكن تكون من أصعب ماتشات الموسم، خصوصًا إن بيلباو عامل موسم كبير ومستواه ثابت.
الجمهور مستني يشوف أداء اليونايتد تحت قيادة أموريم في البطولة، وهل هيعرفوا يتخطوا عقبة بيلباو ويوصلوا للنهائي، ولا لأ.
