شوط أول ناري بين برشلونه والانتر بالتعادل وسط إثاره مجنونه
خلص الشوط الأول من قمة برشلونه ضد إنتر ميلان بتعادل إيجابي 2-2، في مباراة ولعت من أول دقيقه ضمن ذهاب نصف نهائي دوري أبطال أوروبا، واللي أقيمت على ملعب مونتجويك.
البدايه كانت صاعقه من إنتر، لما ماركوس تورام افتتح النتيجه في أول دقيقه من عمر اللقاء، وسط ارتباك واضح في دفاع البارسا، وبعدها بـ20 دقيقه دومفريس ضاعف النتيجه بهدف ثاني في مرمى تير شتيجن، ليخلي الإنتر متقدم بهدفين ويصدم الجماهير الكتالونيه.
لكن برشلونه ما استسلمش، وبدأ يرجع في اللقاء، لما قدر فيران توريس يقلص الفارق بهدف جميل في الدقيقه 24 بعد تمريره ذكيه من جافي، وقبل نهاية الشوط بدقايق، لامين جمال خطف الأنظار كالعادة وسجل هدف التعادل في الدقيقه 38 بمجهود فردي رائع أربك دفاعات النيراتزوري.
المباراة مولعه من الجانبين، وكل فريق بيحاول يفرض سيطرته، بس واضح إن الشوط التاني هيكون حاسم ومليان إثاره، في انتظار اللي يقدر يحسم النتيجه قبل مباراة الإياب في إيطاليا.
