انخفاض كبير.. سعر الذهب اليوم يتراجع بقوة لليوم التالت خسائر بالجملة يهبط لمستوى جديد
الناس اللي بتتابع أسعار الذهب يوم بيوم لاحظت خلال الأيام اللي فاتت هبوط واضح، سعر الذهب اليوم الخميس 1 مايو 2025، التراجع كمل لليوم التالت على التوالي، وسجل الجرام انخفاض جديد خلّى السوق في حاله من الترقب والقلق، خصوصًا للناس اللي كانت ناوية تشتري أو تبيع.
في بوابة سعودي أون، جمعنالك كل التفاصيل بالأرقام، سواء للسوق المحلي أو العالمي، وكمان تحليل بسيط لسبب النزول ده، وهل ده وقت مناسب للشراء ولا لأ.
سعر الذهب اليوم
الأسعار في السوق المحلي نزلت النهارده حوالي 60 جنيه للجرام، وده نتيجه لتراجع الأسعار العالمية، واستقرار الدولار عند 50.9 جنيه في ظل عطلة عيد العمال اللي أثرت على حركة البنوك الرسمية.
| العيار | السعر بالجنيه المصري |
|---|---|
| عيار 24 | 5337 جنيه |
| عيار 22 | 4892 جنيه |
| عيار 21 | 4670 جنيه |
| عيار 18 | 4003 جنيه |
| عيار 12 | 2668 جنيه |
| الجنيه الذهب | 37360 جنيه |
| الأوقية بالدولار | 3232.28 دولار |
📌 متوسط فرق سعر البيع والشراء بيتراوح بين 20 لـ 30 جنيه للجرام، وبيختلف من محل للتاني حسب المصنعية.
أسباب هبوط الذهب في السوق
- انخفاض سعر الأوقية عالميًا بأكتر من 56 دولار
- استقرار الدولار مقابل الجنيه عند 50.9
- تراجع التوترات التجارية بين أمريكا والهند وكوريا واليابان
- ترقّب السوق الأمريكي لتقرير الوظائف غير الزراعية
- حالة من الهدوء النسبي بعد إجازة عيد العمال
الذهب عالميًا كان وصل لأعلى مستوى له يوم 22 أبريل وسجل 3500 دولار للأوقية، بسبب الأزمات الاقتصادية، لكن من وقتها بدأ في التراجع.
النهارده، الأوقية في السوق العالمي سجلت 3232.28 دولار، بانخفاض نسبته 1.72%، وكمان العقود الآجلة لشهر يونيو نزلت لـ 3241.20 دولار، بخساره تقارب 2.35%.
الفيدرالي الأمريكي والرهانات الجديدة
الأسواق بدأت تراهن إن البنك الفيدرالي الأمريكي ممكن يرجع يخفض سعر الفايدة قبل نهاية سنة 2025، وده في حالة استمرار تباطؤ الاقتصاد الأمريكي اللي سجل أول انكماش ليه من 3 سنين.
اللي حصل في سوق الدهب النهارده مش بسيط، والهبوط ده فتح باب للنقاش حوالين التوقيت المناسب للشراء أو الاستثمار ولو كنت ناوي تشتري، ده ممكن يكون وقت مناسب، لكن لازم تتابع التحركات اليومية، لأن السوق بيتغير بسرعه وتابعنا على بوابة سعودي أون علشان توصلك أحدث الأسعار والتحليلات أول بأول.
