أشرف داري يتصاب في ماتش بتروجيت وموقفه من ماتش حرس الحدود مش واضح لسه
في ماتش الأهلي وبتروجيت اللي اتلعبت امبارح بالليل على ستاد الكليه الحربيه، اتصاب اللعيب المغربي أشرف داري وخرج من الماتش قبل نهايه الشوط الاول، علشان الجهاز الفني مايحبش يغامر بيه.
الاهلي كان كسب بتروجيت ٣-٢ في الجوله التالته من المرحله النهائيه في الدوري، بس الاصابه دي ممكن تبقى حاجه تقلق شويه قبل الماتش الجاي.
مصد إن داري عنده شد خفيف في العضله الخلفيه، وده تشخيص مبدئي، لكن لسه محتاج يعمل اشعه بعد ٢٤ ساعه عشان يطمنوا عليه اكتر ويحددوا قد ايه هيغيب عن الملاعب.
الجهاز الطبي نزل بسرعه وقت ما وقع داري على الارض، وبعد الفحص قرروا يبدلوه، ونزل ياسر ابراهيم مكانه.
لسه الاهلي مش اعلن رسميًا هو هيلعب ولا لأ في الماتش الجاي قدام حرس الحدود اللي هيكون يوم الحد ٤ مايو في ستاد القاهره.
الجماهير بتدعي إن الاصابه تكون بسيطه وميغيبش كتير، خصوصًا إن الفريق داخل على فتره صعبه ومحتاج كل لعيب جاهز.
