النحاس يبدأ مشواره مع الأهلي بفوز صعب وطريقه لعب هجوميه ملفته
عماد النحاس بدأ أول ماتش ليه كمدير فني مؤقت مع الاهلي، وكان قدام بتروجيت في الدوري الممتاز، والماتش خلص بفوز الاحمر ٣-٢ بعد ما الفريق كان متقدم وبعدين اتعادل، لحد ما جراديشار سجل هدف الفوز في الاخر.
الماتش كان فيه لمحات واضحه من فكر النحاس الهجومي، واللي اتكلم عنه ناس كتير قبل كدا، خصوصا اعتماده على ديفندر واحد في نص الملعب، ودامه اتنين ارتكاز عمرو السوليه رجع اساسي جنب امام عاشور، ودا كان من التغييرات المهمه في التشكيل.
خلال الماتش، النحاس خرج السوليه ونزل مكانه افشه عشان يزود القوه الهجوميه، وكمان غير اماكن اللعبه، وخلى جراديشار يلعب ورا وسام ابو علي، مش على الطرف زي ما الناس متعوده عليه، ودا اللي خلاه يسجل الهدف التالت.
واضح إن النحاس ناوي يمشي بأسلوب هجومي، بس ممكن يغير حسب المنافس في الماتشات الجايه، يعني الخطه 4-1-4-1 ممكن تتحول لخطة تانيه دفاعيه أكتر.
الأهلي بيستعد دلوقتي لماتش حرس الحدود، والجمهور متفائل بالبدايه دي وبيستنى يشوف هياعمل ايه النحاس في الخطوه الجايه.
