شباب مصر يخسروا تقيل قدام سيراليون وفرص التأهل لسه موجوده
منتخب مصر للشباب اتلقى خساره كبيره من سيراليون باربعه أهداف مقابل هدف، في تاني ماتش ليهم ضمن دور المجموعات في بطوله أمم أفريقيا تحت 20 سنه اللي بتتلعب في مصر.
بعد ما بدأ المنتخب مشواره بفوز حلو على جنوب أفريقيا، رجع وخسر خساااره تقيله قدام سيراليون امبارح بالليل، ودا خلى ترتيبه ينزل للمركز التاني بـ٣ نقاط، وسيراليون بقت في الصداره بـ٤ نقاط.
لسه قدام منتخب مصر مباراتين مهمين، الاولى قدام زامبيا السبت الجاي، والتانيه ضد تنزانيا يوم الجمعه اللي بعدها وزامبيا عندها نقطه واحده وتنزانيا ولا نقطه.
يعني الحسبه لسه موجوده، ولو المنتخب كسب الماتشين الجايين هيوصل ٩ نقاط ويتأهل على طول من غير مايبص لحد، ولو كسب ماتش وتعادل في التاني هيوصل ٧ نقاط وبرضو فرصه كبيره يتأهل، حتى لو خسر ماتش وكسب التاني، ممكن يوصل ٦ نقاط ويتأهل كأفضل تالت.
لكن لو اتعادل وخسر أو خسر الاتنين، ساعتها الوضع هيبقى صعب جدا وممكن يودع البطوله.
اللوايح بتقول إن لو اتساوى فريقين في النقط، بيتحسب الأول المواجهات المباشره، وبعدها فارق الأهداف، ولو لسه متساويين، بتتعمل قرعه.
