7 لاعيبه مرشحين لجايزة لاعب شهر ابريل في الدوري الإنجليزي
رابطه الدوري الإنجليزي اعلنت النهارده عن القايمه الرسميه للمرشحين لجايزة لاعب الشهر لابريل 2025، واللي ضمت 7 لاعيبه تألقو جامد الشهر اللي فات، كل واحد منهم كان ليه بصمه واضحه مع فريقه.
باب التصويت للجماهير اتفتح وهيفضل شغال لحد يوم الاتنين 5 مايو، وبعد كده هيتم دمج أصوات الجمهور مع تقييم لجنه متخصصه من خبراء الكوره علشان يعلنوا اسم الفايز الأسبوع الجاي.
في القايمه، ريان آيت نوري لاعب وولفرهامبتون، لعب 5 ماتشات كسبهم كلهم، سجل هدف وصنع اتنين، وساهم فـ 3 كلين شيت، وكان ليه دور مهم فـ بقاء فريقه في الدوري.
بارنز من نيوكاسل عمل شغل عالي، سجل 4 أهداف وصنع اتنين فـ 6 ماتشات، وساعد فريقه يطلع مراكز قدام
ماك أليستر من ليفربول كان عنصر مهم فـ التتويج بالدوري، جاب جولين وصنع جول.
مورفي كمان من نيوكاسل سجل وصنع 3 أهداف، و روجرز من أستون فيلا سجل هدف وصنع 4.
سيسينيون من فولهام سجل اتنين وصنع اتنين، وكان نجم الفوز على ليفربول.
أما لارسن فـ تصدر هدافي الشهر بـ4 أهداف، وحقق مع وولفر العلامه الكامله.
