ليام ديلاب ممكن يروّح مانشستر يونايتد بس بشرطين مهمين
فتح المهاجم ليام ديلاب، نجم فريق إيبسويتش تاون، الباب قدام انتقاله لمانشستر يونايتد في الصيف الجاي، بس بشرطين واضحين مش هيتنازل عنهم.
بحسب موقع TeamTalk البريطاني، ديلاب عنده 22 سنه، ومستعد يوافق يلبس تيشيرت الشياطين الحُمر، بس لو اتوفرله راتب أسبوعي 150 ألف باوند، يعني فرق كبير جدًا عن مرتبه الحالي اللي مش بيزيد عن 20 ألف في الأسبوع مع إيبسويتش.
الشرط التاني، هو إن مانشستر يونايتد يتأهل لدوري أبطال أوروبا الموسم الجاي، والموضوع لسه ممكن يتحقق لو الفريق فاز بالدوري الأوروبي، خصوصًا إنهم في النصف النهائي دلوقتي ضد أتلتيك بلباو بعد ما طلعوا أولمبيك ليون.
ديلاب عنده شرط جزائي في عقده قيمته 30 مليون باوند، وده نزل من 40 مليون بعد ما هبط فريقه رسميًا للتشامبيونشيب.
المهاجم ده شارك السنه دي في 36 ماتش، سجل 12 جول وصنع جولين، ولفت نظر كذا نادي كبير في البريميرليغ.
