الأهلي بيستعد لكأس العالم للأنديه ٢٠٢٥ ومواجهات ناريه في الانتظار
الفريق الأول بالنادي الأهلي بيستعد بكل قوته لبطولة كأس العالم للأنديه ٢٠٢٥، اللي هتنطلق في يونيو الجاي في أمريكا، ودي أول نسخه بالنظام الجديد، والأهلي داخلها بطموحات كبيره.
الأهلي هيبدأ مشواره من دور المجموعات، وأول ماتش هيكون قدام إنتر ميامي الأمريكي، وبعده هيلعب ضد بالميراس البرازيلي وبورتو البرتغالي، يعني مواجهات تقيله من أولها.
الاتحاد الدولي فيفا سلط الضوء على المشاركين، وقال إن الأهلي هو أكتر نادي عنده بطولات دوري محلي (٤٤ لقب)، وده رقم قياسي، وراه بنفيكا وريفر بليت ويوفنتوس وغيرهم، وأكد إن إنتر ميامي هو الفريق الوحيد في البطوله اللي عمره ما أخد الدوري المحلي.
فيفا كمان أشار إن الزمالك هو أقرب منافس للأهلي محليًا بـ١٤ لقب بس، وإن الأهلي ماشي بخطى ثابته للموسم التالت على التوالي في السيطره، بعد ما جمع ٨٥ نقطه من أصل ١٠٢، غير إنه عنده ١٢ لقب أفريقيا، أكتر من أي فريق تاني.
الأهلي فاز آخر ماتش له ع بتروجيت ٣-٢، ورفع رصيده لـ٤٣ نقطه، وبيطارد بيراميدز المتصدر بـ٤٧ نقطه، والمنافسه مولعه
