عمرو محمود ياسين يهاجم المتنمرين على جان رامز بعد بوست بسيط
الفنان عمرو محمود ياسين عبر عن غضبه الشديد من حملة التنمر اللي اتعرض ليها الطفل جان رامز على السوشيال ميديا، بعد ما نشر صورة من شغله وكتب تعليق بسيط عن تأجيل الدراسة وتأثيره على مستقبل الطلبة، بس بدل ما الناس تتفاعل بشكل طبيعي، واجه الولد سخرية وتنمر وكلام مسيء بشكل كبير.
ياسين كتب في بوست على صفحته إن اللي بيحصل ده مأساة مجتمعية وإن التنمر على طفل عشان رأيه الشخصي كارثة، وبيوضح قد إيه في خلل كبير في تعاملنا مع ولادنا، وخصوصًا لما الإنترنت يتحول لأداة عنف نفسي ضدهم.
وقال كمان إن اللي بيحصل على السوشيال ميديا ما ينفعش نعديه، لأن ده بيأثر على نفسية الطفل، وبيخلق جرح صعب يلتئم، خصوصًا إن مصر لسه خارجة من صدمة قضية الطفل ياسين في دمنهور، اللي اتعرض لاعتداء بشع في مدرسته.
ناس كتير من الوسط الفني والمتابعين تضامنوا مع كلام ياسين، وشافوا إن محتاجين رقابة حقيقية على الخطاب الإلكتروني، ومش أي حد يفتح موبايله يشتم ويسخر جان رامز لسه طفل وبيبدأ مشواره، ومحتاج تشجيع مش تنمر.
