صوره أحمد ماهر مع مديرة مدرسه طفل دمنهور تثير الجدل واللغط
انتشرت اليومين اللي فاتوا صوره للفنان الكبير أحمد ماهر مع ست اتقال إنها مديرة المدرسه المتهمه في قضيه الطفل ياسين المعروف إعلاميًا بـ طفل دمنهور وده عمل حاله كبيره من الغضب على السوشيال ميديا، خصوصًا إن الناس افتكرت إن في علاقه بينهم بسبب بشاعه اللي حصل للطفل.
أحمد ماهر طلع يرد بسرعه وقال في تصريحات صحفيه أنا معرفش الست دي، الصوره قديمه وكانت طلبت تتصور معايا وخلاص، وأنا مش ممكن أعرف خلفيه كل واحد بيطلب صوره وأكد إنه ضد اللي حصل للطفل وتعاطفه الكامل مع أهله.
الواقعه كانت صادمه للرأي العام، والمحكمه حكمت بالمؤبد على الراجل المتهم اللي كان شغال مراقب مالي في المدرسه، بعد ما ثبت إنه اعتدى على الطفل في الحمام، وده بعد ما الأم لاحظت تغييرات على ابنها وودّته للدكتور اللي كشف اللي حصل.
الصوره اتنشرت تقريبًا في نفس توقيت الحكم، وده اللي خلى الناس تربط بين أحمد ماهر والموضوع، لكن هو وضّح إن مفيش أي علاقه، وكل الموضوع كان صدفه مش أكتر، والمفروض الناس تتأكد قبل ما تحكم أو تنتقد.
