نقابة الموسيقيين توقف حمو بيكا والبحراوي بسبب مخالفات أخلاقيه
قررت نقابه المهن الموسيقيه اللي بيرأسها الفنان مصطفى كامل، وقف حمو بيكا اللي اسمه الحقيقي محمد مصطفى، لمده شهرين من اول يوم 1 مايو، بسبب فيديو انتشرله على السوشيال ميديا ظهر فيه بكلام مش لائق وبجانب راقصات، وده اعتبرته النقابه مخالف لقانون النقابات رقم 35 لسنه 78 وكمان ميسيء لصوره الموسيقيين ومؤسسات الدوله.
وفي نفس القرار، تم كمان وقف رضا البحراوي، اللي اسمه رضا محمد درويش، لمده شهر وده كمان من اول مايو، واتحول لمجلس التأديب علشان خالف تعهده السابق في جلسة تحقيق، وكان تعهد قبل كده إنه ميغنيش بشعارات خارجه أو حاجات تخالف آداب المهنه، بس رجع كرر نفس الغلط.
النقابه قالت في بيانها إنها بتتعامل بحياد مع كل الأعضاء ومبتكيلش بمكيالين، وأكدت إن دورها الأساسي هو الحفاظ على الذوق العام والتقاليد المجتمعيه، وكمان بتدعم الفنان اللي بيحترم فنه، وفي نفس الوقت مش هتسكت على أي تجاوز ممكن يضر صوره الفن المصري.
والقرارات دي جت بعد متابعه دقيقه من لجنه التحقيقات في النقابه، اللي بيرأسها المستشار أحمد أسامه محرم القاضي بمجلس الدوله.
