مايا دياب تفتح النار ع مشاهير السوشيال وتقول زمن الانحطاط وصل
في تصريح ناري ومباشر، هاجمت الفنانه اللبنانيه مايا دياب مجموعه من المؤثرين ع السوشيال ميديا، اللى بيلقبو نفسهم بألقاب كبيره زى الاول والرائد وهما اساسا مش عندهم لا إنجازات حقيقيه ولا خلفيه علميه تبرر الكلام ده.
مايا قالت في تغريده طويله إنها زعلانه من تدهور المعايير في المجتمع، وإن الناس بقت تكرم السطحية والتفاهه وكأنها نجاحات، وأضافت إن في ناس كانت بتضحك الناس عليهم بقوا دلوقتي ضيوف في البرامج وكأنهم قدوه.
وأشارت إن بعض الناس دي بتدّعي إنها متخصصه في الطب أو العلم وهما أساسًا مش مكملين تعليمهم وده ممكن يسبب ضرر كبير للمجتمع، وسألت بإندهاش ازاي ناس ماتعرفش تكتب جمله صح يتقال عليهم مثقفين
مايا كمان قارنت ده بالحضارات القديمه زى الأهرامات وقالت إن التقدم مش بعدد الفولورز، بل بالإبداع والفكر، وأكدت إن الجيل الجديد ممكن يتأثر بكده ويتجه للربح السريع بدل من المجهود الحقيقي.
الكلام دا اتفاعل معاه كتير من الناس، واتقال إنه بيعبر عن وجع بجد، بس في ناس برضو سألوا مايا كانت تقصد مين بالكلام ده
