دموع رونالدو وصدمة عالميه بعد خسارة النصر قدام كاواساكي الياباني
في ليله كانت صعبه جدا على جمهور النصر، خرج الفريق من نصف نهائي دوري أبطال آسيا للنخبه بعد خسارته قدام كاواساكي الياباني بثلاثه اهداف مقابل هدفين، ودا حصل على ملعب الإنماء وسط ذهول كل اللي تابعو المباراه.
أكتر لقطه أثرت في العالم كانت لرونالدو، نجم الفريق، اللي قعد يتكلم مع نفسه 3 دقايق بعد نهايه اللقاء، ومبين عليه الحزن والخذلان، في مشهد مش معتاد منه خالص.
وسائل الإعلام العالميه رصدت المشهد، وقالو إن دي من أكتر اللحظات إحباط في مسيرته مع النصر.
إذاعة مونت كارلو الفرنسيه قالت إن رونالدو باين عليه الصدمه، وفضل ساكت وبيكلم نفسه، وده شيء ماشفنهوش منه قبل كده.
صحيفه ماركا الإسبانيه وصفت الهزيمه إنها مُخجله، خصوصا إن الفارق السوقي بين الفريقين كبير جداً، بس النصر ماكانش في يومه.
One Football قالت إن رونالدو حاول يخبي دموعه، بس الحسره كانت واضحه.
أما صحيفة آس، فنقلت رسالته: “أحياناً لازم نأجل أحلامنا، فخور بالفريق وبجماهيرنا”.
موسم للنسيان يا نصر، بس لسه الأمل موجود.
