خيسوس على أبواب الرحيل والهلال يدور على مدرب بديل بسرعه
كشفت تقارير إعلاميه برتغاليه إن نادي الهلال السعودي قرر تقريبًا ينهي عقد مدربه البرتغالي خورخي خيسوس بعد سلسلة من النتائج السيئه اللي خلت الجمهور والإداره مش راضيين عن الأداء.
حسب ما ذكره موقع “مايسفوتيبول”، الإداره شغاله دلوقتي على إنهاء التعاقد مع خيسوس، ومن المتوقع يطلع بيان رسمي خلال ساعات قليله، يعلن فيه النادي عن قرار الإقاله بشكل نهائي.
ورغم إن خيسوس ماجالوش إشعار رسمي لحد دلوقتي، لكنه بلغ المقربين منه إن أيامه في الهلال قربت تخلص، خصوصًا بعد الخروج من نصف نهائي دوري أبطال آسيا للنخبه، واللي كانت ضربه موجعه للفريق وجمهوره.
في الوقت نفسه، الهلال ابتدى يتحرك بسرعه عشان يلاقي مدرب بديل، وذكرت شبكة CNN البرتغاليه إن فيه تواصل مع ماركو سيلفا مدرب فولهام الإنجليزي، كأحد الأسماء المرشحه وبقوه.
كمان طُرح إسم الإيطالي كارلو أنشيلوتي مدرب ريال مدريد، بس فرصه ضئيله عشان مرتبط بعقد هناك.
الجمهور منتظر يشوف القرار الرسمي، وعايز يرجع يشوف فريقه في أقوى حالاته خصوصًا قبل كأس العالم للأنديه اللي قرب.
