نيوكاسل بيخطط لخطف إليوت من ليفربول في الصيف الجاي
يبدو إن نادي نيوكاسل يونايتد ناوي يعمل ضربه قويه في سوق الإنتقالات الصيفيه، بعد ما دخل في مفاوضات جديه مع نجم ليفربول الشاب هارفي إليوت، واللي عنده 21 سنه، وسط كلام كتير عن قرب خروجه من الريدز.
اللاعب موهوب جدًا بس ماخدش فرص كفايه في الفتره الأخيره مع ليفربول، وده فتح الباب قدام أنديه كبيره زي نيوكاسل اللي شايف فيه حل مثالي لتدعيم نص الملعب، خصوصاً والمدرب إيدي هاو معجب بإمكانياته وشايف إنه يقدر يعمل فرق كبير الموسم الجاي، خصوصًا مع مشاركة الفريق في البطولات الأوروبيه.
وبحسب تقارير إنجليزيه، ليفربول مش عنده مانع يبيع إليوت، لو وصله عرض مالي كويس، وده جزء من خطة إعادة بناء الفريق تحت قيادة المدرب الجديد آرني سلوت، واللي شكله مش شايف إن إليوت داخل ضمن خطته الرئيسيه.
الصفقه لو تمت حتكون نقله كبيره للاعب، وفرصه يرجع يثبت نفسه أساسي، وكمان حتدي نيوكاسل دفعه قويه في خط النص.
الجمهور مستني يشوف إذا كان الكلام حيبقى حقيقه ولا لأ، خصوصًا وإن الصيف لسه في أوله.
