ليفربول بيجهز عرض ضخم علشان يخطف إيزاك من نيوكاسل
نادي ليفربول ناوي يدخل سوق الإنتقالات الصيفيه بقوه، وبيفكر جدياً في التعاقد مع المهاجم السويدي ألكسندر إيزاك، نجم نيوكاسل، واللي لفت الأنظار بعد مستواه الرائع الموسم ده، حسب موقع “TEAMtalk”.
إيزاك، اللي عنده 25 سنه، سجل 26 هدف وصنع 6 تانيين في 39 ماتش بكل البطولات، وساهم في فوز نيوكاسل بكأس كاراباو بعد ما هزم ليفربول 2-1 في النهائي، وده زوّد اهتمام “الريدز” بيه.
الحديث عن رحيل داروين نونيز من ليفربول خلى الإداره تسرّع خطواتها للبحث عن مهاجم جديد، ويبدو إنهم شايفين إيزاك هو الشخص المناسب لقيادة الهجوم الموسم الجاي، خصوصًا مع أرقامه الممتازه.
بس المشكله الكبيرة في المبلغ اللي طالباه إدارة نيوكاسل مقابل اللاعب، واللي وصل لـ130 مليون جنيه إسترليني، وده رقم عالي خصوصًا إن عقده لسه مستمر لحد صيف 2028.
رغم كده، ليفربول ممكن يدخل في مفاوضات ويحاول يقلل السعر أو يقدّم عرض فيه لاعبين ضمن الصفقة.
الجماهير منتظره تشوف إذا الصفقة حتحصل ولا هتكون واحده من الشائعات اللي ما بتكملش!
