لامين يامال وضمادة المعصم جدل جديد ومفاجآت بالشوط التاني
رجعت تاني قصة الضمادات تثير الجدل في الوسط الرياضي، وخصوصًا بين لاعبين برشلونة، بعد ما لفت النجم الشاب لامين يامال الأنظار قدام إنتر ميلان.
اللاعب قدم شوط أول عالمي، بس فجأه مستواه نزل بشكل غريب في الشوط التاني، وناس كتير ربطت ده بإزالته للضمادة من على معصمه.
القصه دي جات بعد أيام من تصريح ساخر من طبيب ريال مدريد السابق، نيكو ميهيتش، اللي لمح بشكل مش مباشر إن استخدام الضمادات ممكن يكون ليه أهداف مش رياضية، وقال: “أسهل مكان للوصول للوريد هو في المعصم”،
وأضاف بنبرة تهكم: “يمكن بيعانو من التهاب أوتار أو يمكن بيلعبو بينغ بونغ!”
تصريحات ميهيتش أثارت زوبعة في الإعلام، بس لحد دلوقتي مفيش أي دليل طبي أو بيان رسمي يؤكد كلامه، وناس كتير شايفة إنها مجرد بروباغندا ضد برشلونة.
بعض المختصين قالو إن الربط بين الضمادة ومستوى الأداء مجرد تكهنات، ومفيش أي دليل على تعاطي منشطات.
ولو مفيش إثبات، الكلام ده بيعتبر إساءة للاعبين وبيفقد صاحبه المصداقية.
برشلونة ولا الجهاز الطبي لحد دلوقتي ساكتين، وسايبين الباب مفتوح للشائعات.
