الزامل يقترح خروج رونالدو من النصر عشان فايدة الدوري تعم
أثار الإعلامي عبدالكريم الزامل ضجه كبيره بعد تغريده كتبها على منصة “إكس”، اتكلم فيها عن مستقبل كريستيانو رونالدو مع نادي النصر، واللي عقده بينتهي في يونيو 2025، لكن فيه مفاوضات شغاله عشان يجدد لحد 2026.
الزامل قال بصراحه إنه لو فعلاً فيه نيه لبقاء رونالدو في الدوري السعودي، فالأفضل إنه يروح نادي غير النصر، عشان فايدته التسويقيه تعم على باقي الأنديه، خصوصًا إنه خلاص قدم كل اللي يقدر عليه مع العالمي.
وكتب في التغريده: “إذا كان فيه رغبه لبقاء الأسطوره رونالدو في الدوري، أتمنى أشوفه في نادي ثاني غير النصر، عشان تسويق أكبر وفايده أوسع للدوري ككل”.
وكمل كلامه باقتراح مميز، قال: “ولو قرر يعتزل، لازم تكون مباراة وداع تليق فيه، بين النصر وريال مدريد، ودي هتكون ضربة تسويق عالميه قويه للرياضه السعوديه”.
رونالدو من وقت ما انضم للنصر في يناير 2023، لعب 102 مباراه، سجل فيهم 91 هدف وصنع 19، وأثبت إنه لسه عنده كتير يقدمه.
