الاتحاد الآسيوي يعين الجاسم حكم نهائي آسيا بين الأهلي وكاواساكي
أعلن الإتحاد الآسيوي لكرة القدم عن طاقم التحكيم اللي راح يدير مباراة نهائي دوري أبطال آسيا للنخبه، والمقرره السبت الجاي 3 مايو، على ملعب الإنماء في جده، بين الأهلي السعودي وكاواساكي الياباني.
وتم تعيين الحكم القطري عبدالرحمن الجاسم كحكم ساحه، واللي يعتبر من أفضل حكام آسيا، وسبق أدار نهائي آسيا سنة 2020، وكمان شارك في بطولات كبيره زي كأس العالم للأنديه وكأس آسيا.
وبيكون معاه كل من: طالب سالم مساعد أول، رمزان النعيمي مساعد ثاني، أحمد العلي حكم رابع، خميس المري حكم فيديو، وفو مينغ مساعد فيديو.
المباراه بتبدأ الساعه 7:30 مساء بتوقيت مكه والقاهره، ومنتظر حضور جماهيري كبير، خصوصًا بعد الأداء القوي للأهلي اللي تأهل للنهائي بعد ما أطاح بالهلال بثلاثيه مقابل هدف، بينما كاواساكي تفوق على النصر بنفس النتيجه.
الجماهير متحمسه جداً للمباراة، خصوصاً انها تُقام على أرض السعوديه، وفي أمل كبير أن الأهلي يحقق اللقب القاري، ويضيف إنجاز جديد للكرة السعوديه، خصوصاً بعد المشوار الصعب اللي قطعه في البطوله.
