موقف اللاعبين الدوليين يربك الأهلي قبل كأس العالم للأندية
مازال موقف بعض لاعبين الأهلي الدوليين محير، قبل إنطلاق بطولة كأس العالم للأندية 2025 اللي بتنظمها أمريكا من 15 يونيو إلى 13 يوليو الأهلي مشارك في البطوله دي ضمن المجموعه الأولى مع فرق إنتر ميامي وبورتو وبالميراس.
من أبرز المواقف الغير محسومه، هو لاعب الأهلي نييتس جراديشار، اللي طلب منتخب شباب سلوفينيا ضمه لقائمة المنتخب في بطولة أمم أوروبا تحت 21 سنة، واللي هتتلعب في سلوفاكيا من 11 يونيو لحد 28 يونيو.
مدرب المنتخب السلوفيني أندريه رازدره صرّح إنهم تواصلوا رسميًا مع الأهلي بخصوص اللاعب، لكن حسب قوانين الفيفا، الأهلي من حقه يرفض طلب انضمامه، لأن بطولة يورو الشباب مش ضمن الأجندة الدولية الرسمية.
الفيفا كمان إدّى استثناء خاص للأندية اللي هتشارك في كأس العالم للأندية، وده معناه إن من حق الأهلي يحتفظ بلاعبيه طول فترة البطوله، ومش ملزم يفرزهم لأي منتخب بعد فترة التوقف الدولي من 5 لحد 10 يونيو.
يعني كده الأهلي يقدر يرفض إرسال جراديشار لسلوفينيا، ويحافظ على قوامه الأساسي في البطوله العالميه دي.
