منتخب سلوفينيا عايز جراديشار والأهلي لسه ما ردش عليهم
أندريه رازدره مدرب منتخب سلوفينيا تحت 21 سنه، كشف إنهم بعتو للنادي الأهلي علشان يضمّو اللاعب نييتس جراديشار لقائمة المنتخب اللي هتشارك في بطولة أمم أوروبا تحت 21 سنة، اللي هتتلعب في سلوفاكيا من 11 لحد 28 يونيو الجاي.
رازدره قال في خاطبنا الأهلي وطلبنا ضم جراديشار، بس لحد دلوقتي الأهلي ما ردش علينا، وإحنا عايزينه معانا في البطولة وأضاف إنهم منتظرين رد رسمي من الأهلي الأسبوع الجاي علشان يحددو موقف اللاعب.
ورغم إن التوقيت بيتعارض مع بطولة كاس العالم للأندية اللي هتتلعب في أمريكا من 15 يونيو لـ 13 يوليو، إلا إن رازدره قال إن اللعب لمنتخب بلده في البطولة لأول مره (من غير ما تكون البلد المنظمه) يعتبر إنجاز كبير ليه.
بس حسب قوانين فيفا، الأهلي من حقه يرفض يبعته، لإن بطولة أوروبا للشباب مش ضمن التوقف الدولي الرسمي، وكمان في استثناء للأندية اللي بتشارك في كاس العالم للأندية يخلّيها تحتفظ بلاعبيها بعد فترة التوقف من 5 لـ10 يونيو.
الأهلي هيقابل فرق تقيله في مجموعته زي إنتر ميامي، بورتو، وبالميراس، وعنده أمل يحقق حاجه في النسخة التاريخية دي.
