ليفربول بيكمل أفراحه بلقب الدوري صلاح نجم الأرقام القياسية
احتفالات ليفربول لسه مكمله بعد حسمه لقب الدوري الإنجليزي قبل 4 جولات من النهايه، بعد الفوز الكبير على توتنهام 5-1 ليفربول اتوج باللقب رقم 20 في تاريخه، وده رقم كبير بيخليه واحد من عمالقة الكره الإنجليزيه.
النادي أعلن على موقعه الرسمي أرقام خرافية حققها الموسم ده، زي إنه جمهور الفريق وصل لـ1,704,581 مشجع في 34 مباراة، وفيرجيل فان دايك لعب كل الدقايق من غير ولا غياب.
أما محمد صلاح، فكان نجم فوق العاده، ساهم في 46 هدف (28 جول و18 أسيست)، ولسه عنده 4 ماتشات يقدر يوصل بيهم لرقم قياسي جديد صلاح كمان سجل أول 3 ماتشات خارج الأرض موسمين ورا بعض، وده أول حد يعملها بتاريخ ليفربول.
ومدرب الفريق أرني سلوت عمل موسم أول تاريخي، حقق 11 فوز في أول 13 ماتش دوري، ورفع اللقب في أول موسم ليه، زي ما عملها مورينيو وأنشيلوتي زمان.
ليفربول سجل 80 جول، وحافظ على شباكه 14 مره، وخسر ماتش واحد بس من 11 كان متأخر فيهم. الأرقام بتقول إن اللقب ده مش جاي بالحظ.. ده شغل كبار!
